চুপ থাক নগেন খাৰঘৰীয়া, তই মোৰ পিতৃ হোৱাৰ অধিকাৰ ইতিমধ্যে হেৰুৱাই পেলাইছ 🤣🤣 | Funny Story
পিতা :- পঢ়াৰ সময়ত ফাংফুঙ হা। কিবা এটা কৰিবলৈ মাতিলেই কবি এইখিনি পঢ়িব আছে, সেইখিনি লিখিব আছে কিবাকিবি আৰু যেতিয়াই ৰুমত আহি ছেগ কৰোঁ মানুহটোক ঠিকেই দেখোঁ টেবুলৰ ওচৰত,, কিন্তু কাণত সেইডাল কিবা হেড ফোন নে কিডাল লগাই ফালি থকাহে দেখোঁ দেখোন। মাৰক তেল মাৰি মাৰি মবাইল আনিলি হা। মাৰে পকেট মাৰি মাৰি মোক ভিক্ষাৰী বনাই দিলে।
পত্নী :- এই হ'ব চুপ মাৰি থাকা, আগলৈ নাই পিছলৈ নাই এটাই মাথোঁ ল'ৰা সাধি সাধি পাইছোঁ। তাকো শান্তি নিদিয়ে কিয় হয়নে।
পতি :- সি পৰীক্ষাত পাছ কৰিব পাৰিবনে এইটো গতিত হ'লে কোৱা। মোৰ নাক কাণ কাটিব আৰু হতশ্ৰী যোৱাটোৱে।
পত্নী :- হে হৰি মানুহটোৰ গাত শণি লাগিছে নেকি ঔ, ল'ৰাটোক হ'ল বুলি ইমান বকিব লাগেনে, ওপৰতে ল'ৰাৰ বাপেক হৈছা যে কিডাল বুজিবা। মাক হ'লে বুজিলা হয় ল' ৰা জন্ম দিয়াটো কিমান যন্ত্ৰণা।
পতি :- উঠোৱা আৰু অলপ মূৰৰ ওপৰত ওঠোৱা, পুতেৰক মূৰৰ ওপৰত ওঠাই লৈ নিজে ধুপুছকৈ পৰিবা চাবা, পৰিলেও কমডাল ভূইকঁপ হবনে ঔ এই কলগছৰ গুৰিডালত।
পত্নী :- কাক কৈছা গলগছৰ গুৰি বুলি হা, অ নিজৰ গাটোত যে মঙহ বুলিবলৈ একোৱেই নাই সেয়ে হিংসা হৈছে মোৰ স্বাস্থ্যটোক লৈ হয়নে। হাত ভৰিৰ অবস্থা কি চাবা বৰটোকোলাৰ লেংলেঙীয়া ঠেং দুখনেই আৰু, আকৌ মোক হাঁহিবলৈ আহে। শুনা মোৰ ল'ৰা পাছ কৰে ফেইল কৰে তাত মোৰ একোডাল আহে নাযায়। এনেও নো পাছ কৰাবোৰে কিডাল ফালিছে হয়নে । অ চহৰত ডাঙৰ ডাঙৰ স্কুল কলেজত পঢ়িব গৈ শেষ, কোনোবা টাউনীয়া চকৰী ফেঁটীৰ মেৰপাকত পৰি চবকে পাহৰে ঔ।
পতি :- মুঠতে শুনা তোমাৰ ল'ৰা যদি ফেইল কৰে, সি মোক দেউতা বুলি মতাৰ অধিকাৰ হেৰুৱাই পেলাব।
পত্নী :- হে হৰি, হে প্ৰভু জগন্নাথ, দেখিছা তোমালোকে নিজৰ একমাত্ৰ ল'ৰাটোক ইমান অভিশাপ দিছে ঔ, পাব পাব, ভগবানে চাই আছে সকলোবোৰ। অ অ কনপোনা তই যেনেতেনে হলেও পাছ কৰিবই লাগিব দেই, নহলে বাপেৰে নথব আৰু তোক।
পতি :- ইমান ৰাওচিব নালাগে । মুঠতে ফেইল কৰিলে মোক আৰু দেউতা বুলি মাতিব নিদিবা পুতেৰক, সেই অধিকাৰ হেৰুৱাই পেলাব সি 😠 আৰু ঐ ঐ নেউল, এতিয়া জুপুকা মাৰি মা _বাপেৰৰ ৰণ চাই থাকিব নালাগে সদায় সদায় একেসোপাই ৰামায়ণ, মহাভাৰত অশান্তি লাগিছে আও দেই।
পতি :- হেৰা পুৱাৰে পৰা টিলিঙা বজাই বজাই কিমান ঘোষা মাতিলা তাৰ হিচাপ নাই। পুতেৰে টিলিঙা বজালে পৰীক্ষাত পাছ নকৰে নহয়, অ সেইটো এতিয়াও অহা নাই যে নে মুখত ক'লা ছাঁই পৰিল পুতেৰৰ।
পত্নী :- সৌটো কণপোনা আহিল চোৱা। কচোন ক ৰীজাল্ট কেনেকুৱা ক।
কণপোনা :- প্ৰিন্সিপালৰ জীয়েক ফেইল, খগেন মাষ্টৰৰ পুতেক ফেইল, আমাৰ চুবুৰীৰ মালতী আৰু পখিলিও ফেইল।
পিতা :- হেৰৌ জহনীত যোৱা, তই আনৰ কথা কিয় পেঘেনীয়াই আছ তোৰ নিজৰ কথাটো নকৱ কিয়, আৰু মই কোৱা কথাটো মনত আছেনে নাই তোৰ, কৈছিলোঁ নহয় তই ফেইল কৰিলে মোক দেউতা বুলি মতাৰ অধিকাৰ হেৰুৱাই পেলাবি। ক ক, বাপেৰে তোৰ ৰীজাল্ট শুনি মিঠাই বিলাব যাব লাগিব নহয়।
কণপোনা :- চুপ থাক নগেন খাৰঘৰীয়া, তই মোৰ পিতৃ হোৱাৰ অধিকাৰ ইতিমধ্যে হেৰুৱাই পেলাইছ
No comments:
Post a Comment